Gedagte vir die dag: Biddende denke

(Argieffoto: Pixabay)

“Moenie julle leefstyl aanpas by die gedragspatrone van hierdie wêreld nie, maar laat God julle omvorm deurdat Hy julle denkpatrone vernuwe. Dan sal julle goed kan onderskei wat Hý wil hê dat julle moet doen, naamlik dit wat werklik goed en aanvaarbaar en volmaak is.” (Romeine 12:2)

Skrifgedeelte
Romeine 12:2 (NLV)

Oordenking
ʼn Mens se hele wese moet betrokke wees in gebed – jou hele lewe, hart, geaardheid en gedagtes.

Wanneer jy bid, moet jou denke ook betrokke wees. Eerstens dink ʼn mens oor gebed. Ons denke leer ons wat ons veronderstel is om te bid. Wanneer jy ernstig nadink voor gebed, berei jou denke jou voor om die genadetroon te nader.

Jou denke gaan altyd gebed vooruit, want dit bepaal wat jy in gebed gaan vra.

Gebed

Here, wanneer ek na u genadetroon toe kom, wil ek myself volkome vir U gee – liggaam, denke en siel. Amen.

• Hierdie oordenking verskyn in Mini-Oordenkings: Hoop vir elke dag deur Jimi le Roux. Dit word goedgunstiglik deur die Christelike Uitgewersmaatskappy/CUM verskaf.