“Mag die God van vrede julle volkome aan Hom toewy. Ja, mag God julle so bewaar dat julle na gees, siel en liggaam volkome vlekkeloos sal wees wanneer ons Here Jesus Christus terugkom.” (1 Tessalonisense 5:23)
Skrifgedeelte
1 Tessalonisense 5:23 (NLV)
Oordenking
God is op soek na toegewyde en opregte mense om in sy diens te staan en te bid. Dit is die tipe mense wat God vir leiers wil hê, en dit is die mense wat sy bidders word.
Wanneer iemand bid, word sy hele wese met God verenig. Siel, gees en liggaam word een in alle dinge wat betrekking het op die lewe en op heiligheid.
Gebed
Here, ek wil deel wees van die mense wat tot U bid. Maak my heilig vir U diens. Amen.
- Hierdie oordenking verskyn in Mini-Oordenkings: Hoop vir elke dag deur Jimi le Roux. Dit word goedgunstiglik deur die Christelike Uitgewersmaatskappy/CUM verskaf.