Foto: Francois Bezuidenhout
Wie is ’n God soos U? U vergewe sonde. U bly nie vir altyd kwaad nie, maar is liefdevol en getrou. (Miga 7:18)
Ons as mense is onderworpe aan die kwesbaarheid van menslike gedrag. Gevolglik laat ons so maklik ons menslike gevoelens en reaksies die botoon voer wanneer ons benadeel word. Ons kan ons egter daarin verbly dat ons God ’n liefdevolle God is wat omgee en vergewe en nie soos ons mense misstappe teen ons hou nie. Hy het ons lief met ’n suiwer en ewige liefde. Die straf wat ons toekom oor ons sonde, is deur Jesus gedra. Ons is nou vry van God se toorn. Ons dien ’n onvergelykbare God en ons sal op geen manier kan vergoed vir sy liefde nie – ons kan dit slegs uitdra aan ander.
Heilige Meester, laat u helder lig vir ewig in my skyn om u liefde te kan weerspieël. Amen.
Here Jesus dankie dat U met U kosbare lewe versoening bewerkstellig het…hoe kan ek ooit die waarde van die daad verstaan..help my om so te leef dat U lig deur my skyn..Amen