Maar Rut antwoord: “Moenie my probeer oorreed om van Ma af weg te gaan nie. Waarheen u ook al gaan, sal ek gaan. Waar u woon, sal ek ook woon.” (Rut 1:16a)
Beleef jy tye wat jy regtig eensaam is? Dae wat dit voel of ander mense, jou vriende en dalk jou kinders hul eie gang gaan?
Die verhaal van Naomi is eintlik verstommend. Sy verloor haar man en later albei haar twee seuns. Boonop was sy in ’n vreemde land weg van haar herkoms. So besluit sy dan ook om na haar eie land toe terug te keer. Vasberade om nie haar skoondogters te ontwrig nie, is sy vasberade om alleen die reis aan te pak. Maar dan lees ons hoe Rut voet by stuk hou dat sy saam met haar skoonma gaan. Daar trou Rut met Boas en eindig die verhaal so mooi wanneer ons lees dat Naomi haar kleinseun op haar skoot tel. God het op twee maniere voorsien: Haar skoondogter het lewensgetrou saam met haar gegaan en sy beleef die vreugde van ’n kleinkind. ’n Teken van nuwe lewe.
God kyk baie diep in mense se harte. Ook in joune. Hou vandag daaraan vas.
Alwetende, wees by my, asseblief. Ook daar waar niemand is nie.
Dankie Here dat Rut as verhaal my leer oor n nuwe lewe…dat dit U dit moontlik maak…Amen