Ek sal hulle harte verander en hulle gees nuut maak. Ek sal die harte van klip wegneem en vir hulle sagte harte in die plek daarvan gee. (Esegiël 11:19)
Is daar ’n behoefte wat voortdurend aan die deur van jou hart klop? Dalk ’n spesifieke bediening, of ’n saak waaraan jy voortdurend dink? Dit is ’n passie wat deur God in jou hart gesit is, iets waarheen Hy jou roep. As jy nie so voel oor enigiets nie, vra vir God om jou hart te versag teenoor mense wat Hy wil hê jy moet dien, en om jou ’n passie te gee om ’n behoefte raak te sien en daarin te voorsien.
Is daar iets spesifieks wat God in jou hart laat roer?