Laat hulle aan U toegewy wees deur ’n hegte verbintenis aan die waarheid. U woord is die waarheid. (Johannes 17:17)
Jesus bid ernstig vir sy dissipels omdat Hy weet sy tyd op aarde word min. Hy wil hê dat hulle veranker sal wees in hulle geloof in Hom en in die Woord. Jesus weet hoe sterk die verleiding van die wêreld kan wees en hoe maklik die dissipels se geloof hulle kan begewe wanneer hulle onder druk van hulle teenstanders verkeer. Die enigste manier om staande te kan bly, is deur verbind te wees tot die waarheid in die Woord. Sy dissipels is wel ín die wêreld, maar nie ván die wêreld nie.
Dit geld ook vir elke gelowige vandag.
Here, help my om staande te bly deur elke dag vas te hou aan u Woord. Amen.