Gedagte vir die dag: Vertrou God se plan

See-strand-rus-boekevat.jpg

Foto: flowercampings.com

Daar is ’n vaste tyd vir alles, elke ding onder die son het sy tyd. (Prediker 3:1)

God ken elke dag van jou lewe. Hy het ’n plan vir jou, en Hy ken die perfekte tydsberekening vir elke aktiwiteit wat Hy vir jou beplan.

Dikwels hardloop jy vooruit of kyk jy terug. Jy kwel jou oor foute van die verlede. God ken die persoon van jou verlede, en Hy het die persoon wat jy sou word ook geken. Hy het ’n plan. Dis ’n plan vir jou toekoms en ’n plan vir vandag.

Toe God jou treë beplan het, het Hy elke keuse wat jy sou maak – wys of onwys – geken. Jou foute was egter nog nooit té veel vir God nie. Hy het geweet op watter dag jou hart na Syne sou draai. Met die wete dat hierdie dag sou kom, het God ’n plan gehad. ’n Goeie plan vir die dag wat jou hart sy hart sou leer ken.

Bron:
Stil oomblikke met God – vir jong vroue deur Amanda Cowles
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.