Gedagte vir die dag: Woorde van wysheid

 pad_woud_bos_stiltetyd_pixabay.jpg

Foto: pixabay.com

My kinders, luister na my. Hulle wat op my pad bly, sal geseënd wees. Luister wat ek julle leer sodat julle wys kan wees. Moenie dit ignoreer nie. Dit sal goed gaan met elke mens wat na my luister, wat elke dag na my huis toe kom en buite by my deur vir my staan en wag. Hy wat my kry, kry die lewe self. Hy geniet die guns van die Here. (Spreuke 8:32-35)

Koning Salomo het die Here God se guns geniet, want hy het bo alles gevra vir wysheid om God se volk te lei. God het hom geseën met ’n oorvloed rykdom en soveel meer. Wanneer ons na Salomo se lewe kyk, behoort dit in elkeen van ons ’n brandende begeerte op te wek om die Vader se wysheid te soek. Hoe dwaas is ons nie om die probleme van vandag op ons eie aan te pak, en selfs saam met ’n weermag mense wat net soos ons is nie. God is die bron van alles wat ons nodig het.

Help my, Vader, om nie so dwaas te wees dat ek nie na u woorde van wysheid oor sukses luister nie. Ek bid dat al my begeertes binne u wil sal wees. Amen

Bron:
Wysheid uit die Woord deur Troy Johnsen
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

JAN ·

Kosbaar.
Menslike wysheid versus Goddelike wysheid. Servetus versus Calvyn
Waardevol.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.