Resep: Appelkoolslaai

Appelkoolslaai (Foto: Lapa Uitgewers)

Dié verfrissende slaai is ʼn wenner vir enige lentebraai.

Lewer 4 tot 6 porsies

Bestanddele

• 750 ml gekapte kopkool
• 1 ongeskilde rooi appel, ontpit en gekap
• 1 ongeskilde Granny Smith-appel, ontpit en gekap
• 1 wortel, gerasper
• 125 ml fyngekapte rooi soetrissie
• 2 sprietuie, fyngekap
• 80 ml mayonnaise
• 80 ml bruinsuiker
• 15 ml suurlemoensap

Metode

1. Meng die kool, rooi en groen appel, wortel, soetrissie en sprietuie in ʼn slaaibak.
2. Meng die mayonnaise, bruinsuiker en suurlemoensap goed saam.
3. Giet die sous oor die slaai, meng deur, bedek die bak en laat vir ten minste 1 uur in die yskas rus sodat die geure kan meng.

Bron: Lekker en Vinnig – Vrugte
Uitgewer: Lapa