Maak smullekker pampoenkoekies as bykos of nagereg.
Genoeg vir 6-8
Bestanddele
Pampoenkoekies
- 1½ k (375 ml) pampoen, in blokkies gesny en gekook
- 3 e (45 ml) strooisuiker
- 1 eier, geklits
- ¼ k (60 ml) Clover-melk
- 1 k (250 ml) koekmeel
- 2 t (10 ml) bakpoeier
- ½ (3 ml) sout
- olie vir diepbraai
Karamel-vla-sous
- ½ k (125 ml) Clover-room
- ½ k (125 ml) Clover Classic-vla
- ¼ (60 ml) Clover Mooi River-botter
- ¼ (60 ml) suiker
- ¼ (60 ml) gouestroop
- 1½(7 ml) seesoutvlokkies
- 1 t (5 ml) vanieljegeursel
Metode
Pampoenkoekies
- Plaas die pampoen in ʼn vergiettes en laat dreineer vir 5-10 minute, tot deeglik droog.
- Puree die pampoen in ʼn voedselverwerker of gebruik ʼn handmenger. Plaas in ʼn mengbak saam met die suiker, eier en melk en meng goed.
- Sif die meel, bakpoeier en sout oor die nat bestanddele en meng om ʼn dik, gladde beslag te vorm.
- Verhit die olie in ʼn diep pan of ʼn diepbraaier. Braai lepelsvol van die beslag in sarsies vir 3-4 minute tot goudbruin en deurgaar. Dreineer op kombuispapier.
- Bedien warm met die karamel-vla-sous.
Karamel-vla-sous
- Plaas al die bestanddele in ʼn pan en prut oor ʼn lae hitte.
- Roer tot die suiker oplos en die sous glansend is.
- Bedien die sous saam met die warm pampoenkoekies.
Wenk
Die karamelsous is ook heerlik bo-oor geroosterde piesangs of pynappel, of vanieljeroomys. Jy kan dit ook as ʼn basis vir ʼn karamelmelkskommel gebruik.
Bron: Gunsteling Braairesepte
Uitgewer: Lapa