ʼn Maklike alles-in-een-bak wortelkoek!
Lewer 12 stukke
Bestanddeel
- 1½ k suiker
- 1 k sonneblomolie
- 4 eiers
- 2 k koekmeel
- ½ t sout
- ½ t bakpoeier
- 1 t koeksoda
- 2 t kaneel
- 2 k wortel, gerasper
- ½ k neute, gekap
- ekstra neute vir bo-op
Metode
- Verroom die suiker, olie en eiers saam.
- Voeg die meel, sout, bakpoeier, koeksoda en kaneel by en meng.
- Roer wortel en neute in en meng tot net-net gekombineer.
- Skep beslag in voorbereide bakplaat of tertbak en bak vir 30 minute by 180 ° Laat afkoel voor versiering.
Maak hierdie maklike roomkaas-versiersel om mee te versier en sprinkel ekstra neute bo-oor.
Niks so lekker soos ‘n lekker stuk wortelkoek nie!! My troukoek was ‘n wortelkoek want, hoekom nie??
MM, die resep lees 4 eiers, maar in die video gooi hulle net 2 eiers in. Hoeveel eiers moet ek gebruik, want ek gaan vanmiddag die wortelplaatkoek maak, asb! Baie dankie.
Dagsê Ellie
Dankie vir jou navraag. Gebruik asseblief die bestanddele soos dit in die resep staan (4 eiers). Om die video vinniger te maak, het ons slegs twee eiers daarin gewys, maar jy moet inderdaad 4 gebruik. Lekker bak!
Groetnis
Janie nms. Maroela Media
Baie dankie MM! :)