Wie sal nou neus optrek vir dié heerlike hoenderkerrie?
Lewer 4-6 porsies.
Bestanddele
- 125 ml koekmeel
- 5 ml sout
- ʼn knypie peper
- 8 hoenderborsies
- 125 g Clover Mooi River-botter
Kerriesous
- genoeg Clover Mooi River-botter
- 2 uie, fyngekap
- 2,5 ml droë pietersielie
- 60 ml koekmeel
- 125 ml witasyn
- 60 ml appelasyn
- 125 ml perskeblatjang
- 80 ml ligte bruinsuiker
- 500 ml hoenderaftreksel
- 5 ml borrie
- 15 ml matige kerriepoeier
- 30 ml tamatiesous
- 10 ml worcestersous
- 45 ml blatjang
Metode
- Voorverhit die oond tot 180 °C en smeer ʼn oondvaste bak van ongeveer 18 cm x 26 cm.
- Meng die koekmeel, sout en peper in ʼn groot plastieksak. Plaas hoenderporsies daarin en skud tot al die hoender met die meel bedek is.
- Verhit die botter in ʼn braaipan en braai die hoenderporsies tot goudbruin. Plaas die porsies in die voorbereide oondbak.
- Kerriesous: Smelt die botter en soteer die uie en pietersielie tot die uie sag is. Roer die koekmeel by en giet die witasyn geleidelik by – roer aanhoudend om te keer dat die koekmeel klonte vorm. Voeg al die oorblywende bestanddele by die sous en roer tot goed gemeng.
- Laat die sous vir 5 minute prut en giet dit oor die hoenderporsies.
- Bedek die bak met foelie en bak vir 45 minute of tot die hoender gaar is.
- Bedien saam met rys en groente.
Bron: Ekonomiese gesinskos
Uitgewer: Lapa