Moenie ná werk ʼn draai by die winkels maak vir ʼn pastei nie, bak hierdie heerlike oop pastei sommer self.
Maak 8 oop pasteie
Bestanddele
Béchamel
- 250 ml volroommelk
- 30 g botter
- 20 g meel
- groot knypie sout
- 1 t mosterdpoeier
- tikkie gemaalde neutmuskaat
Pastei
- 2 x 250 g velle skilferkorsdeeg
- 100 g pancetta, gehalveer
- 150 g aspersiestingels, 16 stingels
- 250 g klein portobellini -of klein knopiesampioene, gehalveer
- 40 g Parmesankaas, gerasper
- 1 groot eier, liggies geklits vir bestrykeier
- olyfolie
- sout en peper na smaak
Metode
Béchamel
- Verhit die melk in ’n klein kastrol oor lae hitte. (Moenie dat enige melk verdamp nie)
- Smelt die botter in ’n tweede, bietjie groter kastrol.
- Voeg die meel by wanneer dit gesmelt het.
- Kook vir ongeveer 2 minute terwyl jy konstant klits. Die mengsel moenie donkerder raak nie, maar moet ’n ligte goue kleur kry en soos koekies ruik.
- Voeg die warm melk stadig by en klits voortdurend om die sous glad te hou.
- Kook tot die sous verdik terwyl jy die hele tyd klits.
- Geur mildelik met sout en voeg die mosterdpoeier en neutmuskaat volgens smaak by.
- Gooi dit oor in ’n bak in en bedek die oppervlak met plastiek om die vorming van ’n vel te voorkom.
- Plaas een kant in die yskas.
Pastei
- Voorverhit die oond tot by 200 ˚C. Voer ’n oondbak met bakpapier uit.
- Verhit ’n bietjie olyfolie in ’n groot braaipan.
- Soteer die sampioene op hoë hitte tot dit goudbruin is.
- Geur liggies en verwyder van die hitte.
- Ontdooi die skilferkorsdeeg en sny elke vel in kwarte, sodat jy 8 vierkante het.
- Plaas hulle diagonaal sodat hulle in diamante op die bakpapier in die oondbak lê.
- Smeer ’n goeie skeppie béchamel op elke vierkant deeg – versprei dit van die onderste hoek na die boonste hoek toe.
- Volg met ’n paar stukkies pancetta en twee aspersiestingels.
- Pak die gaar sampioene op elke blokkie.
- Rond af met ’n bietjie gerasperde Parmesaan.
- Vou die twee kanthoekies na mekaar toe en verseël dit met jou vingerpunte en ’n bietjie water.
- Verf die oop pasteie met ’n bietjie bestrykeier en bak vir 25 minute tot dit goudbruin en deurgaar is.
- Bedien met liggies bedruipte mikroslaaiblare en geniet!
Bron: The South African Mushroom Farmers’ Association (SAMFA)