Foto bloot ter illustrasie.(Foto: Unsplash)
Smul aan hierdie dis saam met jou gesin.
Genoeg vir 4-6
Bestanddele
- 15 ml (1 e) olyfolie
- 30 ml (2 e) Clover Mooi River-botter
- 1 rooi ui, in dun wiggies gesny
- 2 knoffelhuisies, fyngedruk
- 5 ml (1 t) borrie
- 5 ml (1 t) gerookte of gewone paprika
- 1 elk rooi, geel en groen soetrissie, ontpit en in blokkies gesny
- 1 chorizowors, in skyfies gesny
- 300 g rys
- 1 x 410 g-blik gekapte tamaties
- 1 ℓ warm vis- of hoenderaftreksel
- sout en varsgemaalde swartpeper
- 400 g bevrore seekosmengsel, ontvries
- 8 steurgarnale, skoongemaak
- 200 g bevrore ertjies
- 60 ml (¼ k) Clover-room
Om op te dien
- 30 ml (2 e) gekapte Italiaanse pietersielie
- suurlemoenwiggies
Metode
- Verhit die olie in ’n wye vlambestande braaipannetjie of paellabak.
- Braai die uie en knoffel vir 4-5 minute.
- Voeg die borrie, paprika en soetrissies by en braai vir 2-3 minute.
- Roer die chorizo, rys, tamaties en aftreksel by en geur deeglik met sout en peper. Prut – roer elke nou en dan – vir 15 minute.
- Gooi die seekos en die steurgarnale by en prut vir nog 5 minute of tot die rys sag en die seekos gaar is. Roer die ertjies en room by en kook vir 2-3 minute.
- Garneer met die pietersielie en bedien met suurlemoenwiggies.
Bron: Gunsteling braairesepte
Uitgewer: Lapa
