Appel-strudel. (Foto: Vrugte/Lapa Uitgewers)
Kikker jou ete met dié lekker nagereg op.
Lewer 6 porsies
Bestanddele
- 4 Granny Smith-appels, geskil, ontkern en in skyfies gesny
- 125 ml rosyntjies
- 125 ml suiker
- 5 ml fyn kaneel
- 50 g fyn amandels
- 6 velle filodeeg
- 100 g botter, gesmelt
Metode
- Voorverhit die oond tot 180 °C en voer ‘n bakplaat met bakpapier uit.
- Meng die appels, rosyntjies, suiker, kaneel en amandels saam in ‘n bak.
- Verf gesmelte botter oor die een vel filodeeg en bedek dit met nog ‘n vel filodeeg. Herhaal die proses tot al die deegvelle gebruik is.
- Skep die vulsel op een van die kort rande van die deeg, maar hou die randstroke oop.
- Vou die randstroke in sodat die vulsel effens bedek word en rol die strudel op.
- Rangskik die strudel op die voorbereide bakplaat en verf gesmelte botter oor.
- Bak die strudel vir 40 minute of tot goudbruin bo-op.
- Laat die strudel effens afkoel en strooi versiersuiker oor. Sny in skywe en bedien.
Bron: Vrugte
Uitgewer: Lapa
