Resep: Appelkoos-pannekoek-koek

Appelkoos-pannekoek-koek. (Foto: Lapa Uitgewers)

As jy ʼn soettand het, is dié resep vir jou.

Bestanddele

• 8 appelkose, gehalveer
• 1 k water
• 2 e bruinsuiker
• 4 e suiker
• 1 bossie basiliekruidblare
• genoeg klaargebakte pannekoeke
• 3 k styfgeklopte room
• heuning (om die koek tydens bediening mee te bedruip)

Metode

1. Gebruik jou rokertjie of jou metode van rook, en rook die appelkose vir 25 minute. Plaas hulle dan in ʼn pan met die water en die twee soorte suiker.
2. Kook die mengsel liggies vir ʼn paar minute tot ʼn konfytagtige stropie vorm. Pak ʼn paar pannekoeke opmekaar, gevolg deur die styfgeklopte room, gerookte appelkoosstroop en basilieblare.
3. Herhaal die lae tot al die bestanddele opgebruik is.
4. Rangskik van die gerookte appelkose bo-op die pannekoek-laagkoek en bedruip die koek met ʼn bietjie heuning net voor opdiening.

Bron: Sjef Snoekie laat die potte sing
Uitgewer: Lapa