Bederf jou soettand met dié liplek lekker yskastert.
Bestanddele
- 500 ml Cremora-koffieverromer
- 875 ml kookwater
- 250 ml vlapoeier
- 2 x 80 g pakkies jellie (enige geur wat jy verkies)
- 2 x 200 g pakkies Marie-beskuitjies
- fyngekapte pekanneute (opsioneel)
Metode
- Meng die Cremora met 375 ml kookwater in ’n kastrol, en verhit stadig tot kookpunt.
- Meng die vlapoeier met genoeg water om ’n stywe pasta met geen klonte te vorm. Roer die vla by die Cremora en laat dit oor lae hitte prut tot dik. Roer af en toe.
- Verwyder van die hitte en laat afkoel.
- Meng die jellie met die oorblywende 500 ml kookwater tot opgelos. Laat dit in die yskas afkoel tot effens gestol.
- Pak een pakkie van die beskuitjies onder in ’n langwerpige pasteibak.
- Skep die helfte van die vlamengsel oor die beskuitjies, gevolg deur al die jellie. Maak die jellie effens plat met die agterkant van ’n lepel.
- Skep die res van die vlamengsel oor die jellie en strooi die gekapte neute oor.
- Laat die tert in die yskas tot gestol en bedien met styfgeklitste room indien verkies.
Bron: Kook saam Kaaps
Uitgewer: Lapa
Klink baie lekker maar net ‘n vraag, hoekom 2 pakkies marie koekies as net een gebruik word of lees ek iewers iets verkeerd?
Eet maar die ander pakkie Marie saam met Nutella of Biscoff (spekulaas) smeer.
Daar kort defnitief nog ‘n lyntjie by “Metode”
Daar kom nie jelly en vla in n regte cremora tert nie