Bederf jouself, jy verdien dit.
Lewer 12 porsies.
Bestanddele
Koekiekors
- 300 g (1 ½ pakkie) Tennisbeskuitjies, gekrummel
- 60 ml botter, gesmelt
Jogurtlaag
- 1ℓ aarbei-jogurt
Jellielaag
- 1 k (250 ml) kookwater
- 1 pakkie (80 g) aarbei-jellie
- 1 blik (285 g) kondensmelk
- 250 g vars aarbeie, ontstingel en gehalveer
Metode
- Kors: Meng die koekiekrummels en gesmelte botter goed saam en druk dit op die bodem van ‘n groot ronde 28 cm-tertbord of ‘n groot reghoekige bak vas. Druk die kors stewig in die tertbord vas met die agterkant van ‘n lepel.
- Jogurtlaag: Skep die aarbei-jogurt bo-op die koekielaag en maak dit gelyk.
- Jellielaag: Meng die kookwater en aarbei-jellie saam tot glad. Laat dit vir 5 minute afkoel en roer dan die kondensmelk by afgekoelde jelliemengsel. Skep dit versigtig bo-oor die aarbei-jogurt.
- Versier die bokant van die tert met halwe aarbeie en laat die tert vir 3 uur in die yskas stol. Sit voor saam met die oorblywende vars aarbeie.
Bron: Soettand
Uitgewer: Lapa
Dankie Flori…. glo hy is baie lekker, maar ek sal ‘n paar aanpassings maak sodat hy bietjie minder soet is.
Maak hom maar eers en proe, dan le jy eiertjie.
Lyk lekker en maklik. Ek gaan hom probeer! Dankie.
Ek het nie eintlik n soettand nie, maar dit lyk heerlik!