Kikker jou teetafel met dié unieke yskastert op.
Lewer 6‑8 porsies.
Bestanddele
Kors
- 200 g (1 pak) Romany Creams, fyngemaak
- 115 g/125 ml botter of margarien, gesmelt
Vulsel
- 250 g (1 pak) malvalekkers, in stukkies gesny
- 400 g neutsjokolade, in blokkies gebreek
- 125 ml melk
- 250 ml vars room, styfgeklits
Metode
- Meng die fyngemaakte koekies en gesmelte botter of margarien goed saam en druk die mengsel in ’n gesmeerde tertbord.
- Hou ’n paar stukkies van die malvalekkers vir garnering.
- Smelt die res van die bestanddele, behalwe die room, in ’n bak oor ’n pot kokende water. Roer aanhoudend.
- Laat dit effens afkoel en roer die room by. Meng liggies en skep die vulsel in die tertkors.
- Verkoel die tert ±1 uur en garneer met die oorblywende malvalekkers.
Bron: Yskasterte
Uitgewer: Lapa
Dit lyk nou heup-lekker
Ek maak die “mousse” gereeld, maar sonder die kors en ek vervang die neutsjokolade met donkersjokolade. Vir helfte van ons familie haal ek ook die malvalekkers uit, so ek maak 2 bakke. Een met, een sonder malva lekkers. Dit kom altyd heerlik uit en is so maklik en eenvoudig.
Sjoe dit lyk heerlik en eenvoudig dankie
Hierdie kort gekookte kondensmelk en piesangs.