Tradisionele boeber. (Foto: Lapa Uitgewers)
Bederf jou soettand met hierdie Kaaps-Maleisiese nagereg.
Lewer 4 porsies.
Bestanddele
- 1 liter melk
- 1 stuk pypkaneel
- 5 kardemomsade, oopgeskeur
- 20 ml sago, geweek in
- 50 ml water
- 100 g vermicelli
- 100 ml sultanas
- 50 ml gepelde amandels, gekap
Metode
- Verhit die melk, kaneel en kardemomsade oor matige hitte tot kookpunt en voeg die sago en vermicelli by. Laat prut oor lae hitte totdat die sago deurskynend en die vermicelli sag is, ± 20-30 minute. Roer elke nou en dan om te keer dat dit aanbrand. Voeg nog melk by indien verkies.
- Voeg die sultanas en neute by.
- Verwyder die sade voordat dit voorgesit word.
Bron: Tradisionele kos
Uitgewer: Lapa
