Hierdie maklike grondboontjiebotterblokkies is perfek vir daardie besige oggende waar ʼn behoorlike ontbyt gans te veel tyd steel.
Bestanddele
- 1 k grondboontjiebotter
- 1/3 k heuning (jy kan stroop ook gebruik)
- 57 g botter
- 2 k graanvlokkies (All-Bran-vlokkies), verkrummel
- ¼ k fyn klapper
- 1 k gedroogde bosbessies
- wit sjokolade, gesmelt
Metode
- Spuit ʼn tertbak met kleefwerende kossproei en bedek met bakpapier.
- Meng die grondboontjiebotter en botter in ʼn mikrogolfbak. Kook dit in die mikrogolf op hoë hitte vir 1-2 minute. Roer dit elke 30 sekondes tot die mengsel goed gemeng en glad is.
- Gooi die graanvlokkies, klapper, heuning en bosbessies by die grondboontjiebotter en meng alles goed.
- Gooi die beslag in die voorbereide tertbak en druk dit plat om die bodem te bedek.
- Bedruip met gesmelte wit sjokolade en plaas dit in die yskas vir sowat 1 uur tot gestol.
- Haal uit die bak en sny in kleiner blokkies en geniet.
Al die Maroela-produkte wat jy in dié video sien, is in ons aanlyn winkel, Die Koöperasie, beskikbaar. Klik hier om dié mooi produkte te koop en jou kombuis in ʼn plaaskombuis te omskep.
As ek die vir ontbyt moet eet is ek letterlik “Kaaitjie van die baan” heeeeel dag lol.!!!
AGV al die lekker Kaaitjie botter natuurlik!!!
Hoe lank bak jy dit in die oond? Dit lyk baaaie lekker