Daar is min dinge wat so lekker is as ʼn heerlike stukkie yskastert bedien saam met ʼn sterk koppie boeretroos.
Bestanddele
Kors
- 1 (200 g) pakkie tennisbeskuitjies, fyngedruk
- 50 ml botter of margarien, gesmelt
- 3 e kondensmelk
*Wenk: Jy kan sommer die kondensmelk van die kors uit die blik van die bolaag skep
Vlavulsel
- 500 ml volroommelk
- 15 ml botter of margarien
- ¼ k vlapoeier
- 3 e suiker
- knippie sout
Bolaag
- 1 (397 g) blik kondensmelk
- 100 ml suurlemoensap
Metode
- Meng alles vir die kors bymekaar en druk dit in ʼn tertbak van 30 cm x 20 cm vas.
- Verhit die melk en die botter vir die vlavulsel saam tot kookpunt in die mikrogolf.
- Meng die vlapoeier, suiker en sout by die warm melk en meng alles goed sodat daar geen klonte gevorm word nie.
- Plaas dit vir nog 5 minute in die mikrogolf tot dit verdik en gaar is, roer dit gereeld.
- Giet dit oor die kors en laat dit afkoel.
- Klits die kondensmelk en suurlemoensap saam en gooi oor die afgekoelde tert.
- Plaas dit in die yskas om af te koel.
Al die Maroela-produkte wat jy in dié video sien, is in ons aanlyn winkel, Die Koöperasie, beskikbaar. Klik hier om dié mooi produkte te koop en jou kombuis in ’n plaaskombuis te omskep.
Klink en lyk heerlik. Ek gaan dit defnitief maak die naweek.
Julle noem ek kan 3 eetlepels kondensmelk uit die blik gebruik vir die kors, maar daai 3 eetlepels is wat ek gewoonlik eers proe om seker te maak die kondensmelk is nog reg…. :o)