Suurlemoen-en-piesang-yskastert

Suurlemoen-en-piesang-yskastert. (Foto: Lapa Uitgewers)

ʼn Lekker bederftert vir jou vakansie wat binnekort afskop.

Lewer 8–10 porsies

Bestanddele

• 397 g (1 blik) kondensmelk
• 180 ml suurlemoensap
• 6-8 piesangs
• 200 g (1 pakkie) tennisbeskuitjies
• room (genoeg vir versiering van tert)

Metode

1. Klits die kondensmelk saam met die suurlemoensap tot dik.
2. Sny die piesangs in skyfies en roer dit by die kondensmelkmengsel. Pak die tennisbeskuitjies onderin ʼn tertbak.
3. Skep die piesangmengsel bo-op die beskuitjies en versprei dit egalig. Plaas dit oornag in die yskas. Klop die room en versier die tert daarmee.

Variasie

Smeer elke tennisbeskuitjie met karamelkondensmelk voordat die piesangmengsel bo-oor geskep word – ʼn heerlike variasie!

Bron: Yskasterte
Uitgewer: Lapa