Martelize Brink gesels met sepiester Denise Newman oor haar Britse en Khoikhoi- herkoms. Hulle kuier in die kombuis en langs die vuur, en maak lamsboud en syllabub.
Syllabub is ʼn tradisionele Engelse nagereg, wat baie eenvoudig en lig is.
Martelize Brink se syllabub-resep. (Foto: Verskaf)
Bestanddele
Genoeg vir 2-4 mense
- 250 ml room
- 50 g suiker
- 1 suurlemoen se sap en skil, fyngerasper
- 100 ml muskadel
Metode
- Klits die room en suiker saam tot die room punte vorm.
- Vou die suurlemoensap, suurlemoenskil en muskadel by die room-en-suikermengsel in.
- Skep in glase en bedien met pralien of ’n Florentynse koekie.
Het jy geweet?
Die oudste optekening van ’n Newman in Suid-Afrika is in 1811 in Stellenbosch gedoen. Die van kom van die ou-Engelse “Neowe Man”, wat verwys het na ’n nuweling tot ’n gebied en dieselfde het in Duitsland plaasgevind met “Niuwe Man”.
- Martelize se stamtafel is Woensdag om 17:00 op VIA, DStv-kanaal 147, te sien.
