Jy hoef nie ʼn sjef te wees om dié lamskenkelresep te bemeester nie.
Lewer 4 tot 6 porsies
Bestanddele
- 15-20 ml kookolie
- 4-6 lamskenkels, gegeur met knoffelsout
- 3 uie, in skywe gesny
- ʼn takkie vars roosmaryn
- 2 ml gedroogde tiemie
- 250 ml rooibostee
- sout en peper na smaak
Metode
- Verhit die olie in ʼn swaarboomkastrol en braai die skenkels tot bruin.
- Voeg die uie, roosmaryn, tiemie en rooibostee by en laat dit prut tot die vleis sag is en ʼn bruinerige sous gevorm het.
- Geur na smaak met sout en peper. Dien dadelik op.
- VIR TAMATIESKENKELS:
- Voeg 4-6 gekapte vars tamaties of 1 x 410 g-blikkie ingemaakte tamaties saam met die suiker, sout en peper by die vleis en prut tot sag. Dien op saam met rys.
WENK: Om gereg te vermeerder kan verskillende groente bygevoeg word en dan met rys bedien word.
Bron: Marilyn kuier en kook
Uitgewer: Lapa
lyk verskriklik lekker, net n jammerte mens kan dit nie maak nie want lams-vleis is gans te duur.