ʼn Goedkoop, maklike aandete waarvan almal sal hou.
Lewer 4 porsies
Bestanddele
- groot klont botter
- 2 uie, gekap
- 5 ml gekapte vars knoffel
- 1,2 kg aartappels, ongeskil
- 30 ml botter
- sout en varsgemaalde swartpeper
- 30 ml fyngerasperde parmesaankaas
- 3 x 170 g blikkies tuna in water, gedreineer
- 60 ml gekapte vars pietersielie
- 410 g blik tamaties-en-uiemengsel
- 375 ml gerasperde cheddarkaas
Metode
- Voorverhit die oond tot 180 °C en smeer oondbak.
- Verhit die botter en soteer die uie en knoffel daarin tot sag. Hou eenkant.
- Verhit genoeg water waarby ʼn bietjie sout gevoeg is tot kookpunt en kook die aartappels vir ongeveer 25 minute daarin tot sag.
- Dreineer en laat effens afkoel. Trek aartappels se skille af.
- Druk aartappels met botter fyn en geur met sout en peper na smaak.
- Roer die uiemengsel en parmesaankaas by die aartappels tot goed gemeng.
- Skep die helfte van die aartappelmengsel in die voorbereide oondbak.
- Skep die tuna bo-op en strooi die pietersielie bo-oor.
- Skep die tamatiemengsel gevolg deur die oorblywende aartappelmengsel bo-op die tuna.
- Strooi die cheddarkaas bo-oor en bak vir 30 minute.
Bron: Lekker & vinnig: Sakpasgeregte
Uitgewer: Lapa
Dis nou lekker kos vir my en vroulief, die Eend! (‘n Eend eet mos baie vis!)
Lekker!