Geen spesiale bestanddele vir dié maklike resep nie. Grawe net in jou koskas en jy sal regkom!
Lewer 10-12 blokke
Bestanddele
- 2 eiers
- 100 ml melk
- 3 e blatjang
- 3 e mayonnaise
- 1 pak (150 g) aartappelskyfies van jou keuse
- 1 blikkie tuna
- 1 ui, gekap
- 100 g kaas, gerasper
Metode
- Maak die aartappelskyfies fyn en meng dit saam met die tuna en uie.
- Klits die eiers, melk, blatjang en mayonnaise saam en meng dit ook by.
- Druk dit vas in ʼn mikrogolfbak en mikrogolf vir 7 minute op hoog. Haal die tert uit, sprinkel kaas oor en mikrogolf vir nog 2 minute.
- Sny in blokke en bedien.