Soorte resepte:

Resep-video: Vinnige viskoekies

Vinnige viskoekies (Foto: Janie Monsieur/Maroela Media)

Viskoekies is ʼn treffer en dis maklik vir as jy vergeet het van aandete.

Lewer 8-10 viskoekies

Bestanddele

  • 2 blikkies tuna in water
  • 2 t mosterd
  • 1 e suurlemoensap
  • 2 e sprietuie, gesnipper
  • 2 e mayonnaise
  • 3 e agurkies, in klein blokkies gesny
  • 1 eier
  • 1 k meel
  • sout en peper na smaak
  • olie vir vlakbraai

Metode

  1. Dreineer een blikkie tuna, maar behou die ander blikkie se water. Meng die tuna (saam met een blikkie se tunawater) met die mosterd, suurlemoensap, sprietuie, mayonnaise en agurkies.
  2. Roer die eier in.
  3. Meng meel, sout en peper tot alles goed gemeng is.
  4. Verhit olie in ʼn pan en braai die viskoekies oor matige tot warm hitte totdat gaar binne en die buitekante goudbruin is.

Resep: Janie Monsieur

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Raakvatter ·

Lus is ek nou vir viskoekies. Maak dit altyd met sardientjies, nog nie met tuna probeer nie.

Saartjie ·

Stuur bietjie jou resep in, @Raakvatter, ek besef skielik ek het jare laas viskoekies geëet!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.