Romerige hoender-en-spek-toevoupakkie

Romerige hoender-en-spek-toevoupakkie (Foto: Lapa)

Smul aan dié romerige en vinnige dis.

Lewer 8 porsies

Bestanddele

• 3 gaar hoenderborsies, in stukkies gesny
• 15 ml kanola-olie
• 1 ui, gekap
• 250 g spek, in stukkies gesny
• 250 g sampioene, in skyfies gesny
• 80 ml geroomde maaskaas
• 80 ml mayonnaise
• 80 ml blatjang
• sout en varsgemaalde swartpeper na smaak
• 8 sagte toevoupakkies (wraps)
• toutjies om vas te bind

Metode

1. Verhit die olie en soteer die uie tot sag. Voeg die spek en sampioene by en soteer tot gaar.
2. Verwyder van hitte en roer die hoenderstukkies by.
3. Meng die geroomde maaskaas, mayonnaise en blatjang, en roer by die hoendermengsel.
4. Geur na smaak met sout en peper.
5. Verdeel die hoendermengsel tussen die 8 toevoupakkies. Draai dit toe, bind met toutjies vas en sit dadelik voor.

Bron: Lekker wraps

Uitgewer: Lapa