Rianca, Nelene en Peet Naudé is van plan om die Massey Ferguson tradisie, wat in 1983 begin is, vol te hou. (Foto: Verskaf)
Die pad tussen Rhodes en Maclear is 2 587 m bo seespieël en word as die tweede hoogste grondpad in Suid-Afrika gereken.
Dié pad loop oor die Naudésnekpas en dit is hier waarheen die onverskrokke Naudé-familie in die 1890’s getrek het. Vandag werk daar ʼn hele vloot Massey Ferguson (MF)-trekkers op die broers Donie en Stephanus Naudé se plaas.
Hulle boer met skape, beeste en mielies vir eie gebruik.
“Die Naudé-broers se plaas is waarskynlik die verste punt en in een van die ontoeganklikste gebiede in die streek wat ons op hierdie stadium bedien, maar ons het steeds ʼn noue verhouding met hulle,” sê Michael Howell, bestuurder van die plaaslike MF-handelaar, Tractor World, wat in Oos-Londen gebaseer is.
Die verhouding met Tractor World is in 2003 gesmee en vandag is dit die enigste onderneming waarop die Naudé-broers steun as dit by trekkers en werktuie kom.
Michael Howell is bestuurder by Tractor World in Oos-Londen. (Foto: Verskaf)
“Ek het met MF grootgeword,” sê Donie. “My pa het in 1983 sy eerste trekker gekoop, wat ons steeds op die plaas het. Van toe af het ons op die handelsmerk gestandaardiseer, want ons weet wat werk vir ons. Ons verhouding met Tractor World strek nou al oor 18 jaar, wat wys dat ons tevrede is met sy diens en ondersteuning wat hy bied.”
Vandag werskaf daar 16 trekkers op die plaas, almal Massey Ferguson. Hul gunsteling is die MF 7618 met ʼn 134 kW-enjin, wat hulle in 2016 gekoop het.
“Hierdie is een van ons sterkste trekkers en dis nou ses jaar later en ons is steeds baie tevrede met hom,” sê Donie.
Hy sê weens die wye verskeidenheid bedrywighede – van vee en suiwel tot akkerbou – verseker die MF 7618 dat enige werk voorhande suksesvol afgehandel word.
Die MF7618 het ‘n hoë grondvrye hoogte, uitstekende uitsig en bied ekstra krag wanneer dit benodig word. (Foto: Verskaf)
Die broers sê hul gunstelingeienskappe van die trekker is die groot vensters wat uitstekende sig bied, hoë grondvryhoogte, ekstra kraglewering wanneer dit benodig word en uitstekende stabiliteit wat kardinaal in dié bergagtige gebied is.
Die ontwerp van die kajuit bied die operateur goeie sigbaarheid reg rondom, veral deur die agterruit om die werktuie dop te hou.
Jy kan heeldag werk sonder om moeg te word op die gemaklike en ten volle verstelbare sitplek. Vir bykomende gerief is lugversorging ook in die MF 7600-reeks beskikbaar, wat die Naudé-broers gekies het. “Die lugversorging was ʼn seën vir ons in hierdie warm Oos-Kaapse somerdae,” stem hulle saam.
Die Agco Power- enjin wat aan vlak 2-omgewingsvereistes voldoen, bied optimale kraglewering, met die voordeel van ʼn turbo-aanjaer en tussenverkoeling vir hoogs doeltreffende krag en brandstofverbruik onder verskeie omstandighede.
Wanneer maksimum vet gegee word, is die enjin se spoed slegs 2 100 rpm, met maksimum kraglewering wat by 1950 rpm plaasvind. Hoë krag en wringkrag by lae omwentelinge verseker hoë werkverrigting, uitstekende brandstofverbruik en min enjingeraas, wat oor die afgelope ses jaar vir groot kostebesparings vir die Naudé-broers teweeg gebring het.
Die trekker spog met ʼn Dyna-6-ratkas met 24 vorentoe- en 24 truratte. ʼn Bykomende kenmerk wat veral vir Naudé-broers nuttig is, is dat die ratkas in neutraal geplaas kan word deur op die rempedaal te trap. Dit help baie vir intensiewe, statiese take soos baal.
Die Massey Ferguson 7618 maak baalwerk maklik. (Foto: Verskaf)
“In hierdie gebied is daar ʼn spesifieke vensterperiode waartydens jy jou mielies, of ander groenvoer, moet inkry. Dit beteken dat geen boer dit kan bekostig om enige masjien in hierdie kritieke tydperk doelloos te laat rondstaan nie, so ons moet seker maak dat daar aan al ons kliënte se behoeftes voorsien word,” sê Howell.
Donie beklemtoon dat Howell ʼn ware kundige is. “Jy kan op hom staatmaak om sy kennis te deel, wat hom een van die beste handelaarsbestuurders maak wat ek ken.”
Met meer as 70 jaar se landbou-ervaring dek Tractor World gewas-, vee-, wild- en melkboerdery in die Oos-Kaap, insluitend Alexandria, Grahamstad, Aliwal-Noord en Mthatha, asook Maclear, Ugie, Dordrecht en Elliot.
Donie se seun is na die broers se pa, Peet, vernoem en sal die volgende geslag wees wat die plaas gaan oorneem en die MF-tradisie wat in 1976 begin is, voortsit.
MF is ‘n instelling in SA en bly ‘n staatmaker trekker
Ek is self ‘n voorstaander van ‘n massey ferguson ek weet dit is die trekker wat die meeste in die VSA gebruik word maar in sa is mense mal oor die groen john deere trekker.