Ons weet al ʼn wyle dat Ford spook om meer voertuie tot sy passasiervoertuigaanbieding in Suid-Afrika te voeg. Die Kuga het groot probleme veroorsaak.
ʼn Plaasvervanger is wel nou aangekondig. Die nuwe Ford Territory sal eersdaags in Suid-Afrika beskikbaar wees. Die C-segment-sportnutsvoertuig het sitplek vir vyf.
Die nuwe Territory word aangedryf deur ʼn enjin wat ons in Suid-Afrika nie ken nie, ʼn 1.8-viersilinderturbopetrolenjin wat 138 kW en 318 Nm bied. Die Territory maak gebruik van ʼn 7-spoed-dubbelkoppelaar‑ outomatiese ratkas.
Die Territory is geskoei op die Ford Equator Sport en word by sy Nanchang-aanleg in China vervaardig.
Die bekostigbaarste Territory is joune vir so min as R576 000 – en die duurste model met ʼn diensplan kos R721 000.
Die reeks lyk só:
Model | Prys sonder diensplan | Prys met diensplan |
Ford Territory Ambiente 1.8 EcoBoost 7AT | R576 000 | R590 000 |
Ford Territory Trend 1.8 EcoBoost 7AT | R632 000 | R646 600 |
Ford Territory Titanium 1.8 EcoBoost 7AT | R707 000 | R721 000 |
Die reeks word gedek deur ʼn 4 jaar/120 000 km-waarborg.
Ons behoort eersdaags ons hande op die Territory te kry en kan dán verder berig oor gehalte, ontwerp en waarde.
Lyk baie soos Haval.
Mrs H, en soos bykans alle ander SUV’s.
Ek hou van die Kuga, en het ook van die ou Territory gehou, behalwe van sy wilde brandstof gebruik.
Ek het net een vraag vir Ford, hoekom die nuwe Kuga prys met en sonder diensplan? Sit die diensplan by en gee een prys asb.