(Argieffoto: Maroela Media)
Vroeë kinderontwikkeling en die grondslagfase is in die onderwyssektor amper ʼn soort heilige plek. Dit is daardie eerste jare van kleuterskool en “grootskool” wat die grondslag van ons kinders se akademiese geletterdheid vorm.
Die uitwerking wat ʼn opvoeder en onderrigstrategieë op daardie jonges het, is groot.
In hierdie episode gesels die span aanbieders van die Podvoeding-reeks oor die toekoms van die grondslagfase met ʼn meesteronderwyseres en skoolhoof, Marietjie Havenga.
Ons gesels oor kinders wat hulle eie huiswerk uitdink sonder om eers gevra te word, oor hoe ons rapporte beter kan aanwend, oor die brandweer se rol by lesse, en vele meer. Kom luister na die volledige gesprek boaan hierdie teks.
