Beveilig jou huis só dié vakansie

Ons maak altyd seker ons het iemand wat na die diere omsien, ons het geskenke vir almal gekoop en dat ons alles gepak het voordat ons die Desember-vakansie begin geniet. Maar dit is net so belangrik om te verseker dat jou eiendom veilig is.

“Ons het almal ʼn lang en moeilike jaar agter die rug en dit is normaal om te wil ontspan en af te skakel. Maar ongelukkig is dít presies wat opportunistiese misdadigers wil hê,” sê Charnel Hattingh,  Fidelity ADT se kommunikasiebestuur.

Volg hierdie wenke om seker te maak jou huis en eiendom bly veilig:

 

  1. Maak seker jou huis se alarm werk. Desember is ʼn besige tyd vir veiligheidsmaatskappye, so huiseienaars moet hul alarms ten minste drie weke voordat hulle op vakansie gaan, laat toets. Indien ʼn diens nodig is, moet dit so vroeg moontlik gereël word.

 

  1. Maak seker daar is geen openings in jou heining of plekke waar iemand kan inkom nie, anders sal jou huis dalk addisionele sekuriteit benodig.

 

  1. Koppel buiteligte aan tydskakelaars en bewegingsensors; dit dien as ʼn addisionele afskrikmiddel.

 

  1. Lig jou veiligheidsmaatskappy in van jou vakansieplanne twee weke voordat jy op vakansie gaan. Indien ʼn insident plaasvind terwyl jy weg is, is dit belangrik dat hulle die volgende inligting het:
  • Inligting oor almal wat sleutels tot jou huis het.
  • Inligting oor jou huishulp, tuinwerker en huisoppasser wat dalk op jou eiendom bly terwyl jy weg is.

 

  1. Lig jou bure en buurtwag in oor jou vakansieplanne sodat hulle jou eiendom kan dophou terwyl jy nie daar is nie.

 

  1. Stop alle koerantintekenings of ander aflewerings, of maak seker iemand neem dit weg wanneer dit afgelewer word. ʼn Vol posbus is ʼn duidelike teken vir misdadigers dat niemand tuis is nie.

 

  1. As jy ʼn huisoppasser aanstel, wys vir dié persoon hoe jou alarmstelsel werk.

 

  1. Maak seker die bosse en bome naby aan jou deure en motorhuis is gesnoei, om te verseker dat indringers nie daaragter kan wegkruip nie.

 

  1. Wees diskreet wanneer jy jou motor pak vir die vakansie. Doen dit eerder agter geslote deure. Indien moontlik in jou motorhuis.

 

  1. Voordat jy op vakansie vertrek, gaan vinnig weer alles na. Maak seker alle deure is gesluit en dat vensters toe is. Moenie ʼn leer of enige gereedskap buite of in die tuin los nie, want dit kan gebruik word wanneer mense in jou huis probeer inbreek. Maak seker alle waardevolle items en skakelaars wat hekke of motorhuisdeure oopmaak, lê nie rond nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
AW

NOTICE /WARNING
This Is Private Property!
You are not welcome here!
You Have No Right, entering this Property / Building / Land!

Your unlawful presence on this property / building / land, will be assumed, to be for the sole intended purposes (reason) of Committing Crime.

For Security and Safety Purposes:

No Trespassing
No Jobs / Vacancy/ Employment
No Thoroughfare / Short Cuts
No Conducting of Enquiries
No Junk Mail Distribution
No Solicitation
No Enquiries
No Loitering
No Hawking
No Begging
No Entry
No Exception

Trespassers Will Be Prosecuted in terms of the Tresspass Act, 1959 (Act No 6 of 1959)

AW

Then also – The Owner or Person in Charge of the Property / Building / Land must submit a detailed statement in respect of, but are not limited to: – that he / she are the complainant in this case of Tresspassing; – that he / she are the Property / Building / Land Owner OR the Person Appointed as the Manager / Supervisor / Security official by the Owner; – that the Tresspaser(s) had no permission and right to enter the Property / Building / Land; – that the trespasser(s) was verbally warned by him / her or another… Lees meer »

Out of Africa

Jinne maar ek is bly om van al die nonsens ontslae te wees! Ek het al vergeet wat ‘n mal spul goed wat mens alles moet doen voor jy met vakansie kan gaan. Saligheid is geen diefwering, geen alarm, geen buurtwag, geen bosse sleutels en geen maandelikse paaiemente vir ‘n veiligheids maatskappy nie. No worries.

Hans

Wyse raad om jouself baie frustrasies te spaar!

Out of Africa

Wat ‘n verligting om ontslae te wees van hierdie gesukkel. Mis dit net glad nie!