Foto: Jackson David, pixabay.com
Die Engel van die Here slaan sy laer op rondom dié wat die Here dien, en red hulle. (Psalm 34:8)
In die Ou Testament lees ons keer op keer hoe God sy kinders bewaar en hulle uit gevare gered het. As hulle in die nood was, was Hy daar om hulle te help.
God is vandag nog daar om sy kinders te beskerm. God weet van elke krisis en behoefte in jou lewe. In sulke tye slaan Hy ’n laer op rondom jou om jou te beskerm. Vra gerus sy hulp wanneer jy dit nodig kry.
Hy sal sy engele opdrag gee om jou te beskerm waar jy ook al gaan. ~ Psalm 91:11
