Boston-marathon: Derde ontploffing bevestig

Ontploffing by Boston-marathon Foto: Twitter

Die polisie in Boston sê daar was pas ‘n derde ontploffing in die stad, ná twee ontploffings by die eindstreep van die Boston-marathon waarin ten minste twee mense dood en talle ander beseer is.

Edward Davis, kommisaris van die polisie, het gesê owerhede is nog nie seker of die ontploffing by die JFK-biblioteek aan die ander ontploffings gekoppel kan word nie, maar hulle hanteer die situasie asof dit alles aan mekaar verbind is. Davis sê niemand is in die derde ontploffing beseer nie. Hy doen ‘n beroep op mense om in hul huise te bly en nie in groot groepe saam te drom nie.

Die polisie het nog nie bevestig of die ontploffings deel is van ‘n terroriste-aanval nie, maar plaaslike media berig dat nog toestelle opgespoor is. President Barack Obama is dadelik van die voorval in kennis gestel, en sy administrasie is tans in kontak met die staat en plaaslike owerhede. Obama het Tom Menino, burgemeester van Boston en Deval Patrick, goewerneur van Massachusetts, geskakel om sy medelye te betoon en kommer uit te spreek vir die beseerdes en hulp aan te bied.

Die ontploffing het reeds ‘n invloed op die Amerikaanse mark gehad, en die Dow en die S&P is 500 punte laer.

Klik hier om foto’s van die ontploffings te sien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.