Cleveland-ontvoerder dood aangetref

Ariel Castro

Ariel Castro

Ariel Castro, die Cleveland-ontvoerder wat drie vroue vir jare lank in sy huis aangehou en herhaaldelik verkrag het, is dood aangetref.

Die Amerikaanse media berig dat Castro (53) se liggaam laat Dinsdagmiddag in sy sel in die Orient-gevangenis in Ohio gevind is. Hy het homself gehang. Castro is verlede maand lewenslange tronkstraf opgelê sonder die moontlikheid van parool. Hy is ook tot ʼn bykomende 1 000 jaar tronkstraf gevonnis. Castro het skuldig gepleit op 937 aanklagte insluitend moord met verswarende omstandighede, ontvoering, verkragting en aanranding. Michelle Knight, Amanda Berry en Gina DeJesus het op 6 Mei vanjaar uit Castro se huis ontsnap. Berry het Castro se kind gehad in die tyd wat sy in aanhouding was. Knight het vyf miskrame gehad nadat Castro haar uitgehonger en in die maag geslaan het. Een van die vroue is onder andere ook met ‘n stofsuier se koord gewurg toe sy wou ontsnap. Die vroue het tussen 2002 en 2004 verdwyn toe hulle onderskeidelik 14, 16 en 20 jaar oud was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Amy

Dis nou ‘n maklike uitweg uit!!! Net jammer hy het nou nie behoorlik betaal vir sy dade nie, maar ten minste sal daai vroue nou ‘kan aangaan met hul lewens’, wetend, daai monster is dood.

Stoere Boer

Jammer hy het die geleentheid gehad om homself dood te maak. Hy moes eers bietjie gevoel het

Dirk Hall

As meer dit maar wil doen! Daar sal beslis ‘n belasting verligting vir die eerlikes kan wees!

Trippie

GEEN VERLIES !

Wat ‘n veragtelike stuk drek. Mag elke voornemende vroue-mishandelaar dieselfde roete volg – hang jouself VOOR jy een die gedagte kry om ‘n hand te lig vir ‘n vrou.

Willy

Ek het geweet hy sal nie die duisend jaar maak nie. Nie enigeen se naam is Matusalem nie.