Eben Etzebeth het Donderdag sy status as een van Suid-Afrika se heel bestes nóg onderstreep toe hy as SA Rugby (Saru) se speler van die jaar tydens ʼn glansgeleentheid in Johannesburg aangewys is.
Dit is die tweede jaar op ʼn streep dat dié eer die 32-jarige slot te beurt val.
“Eben was in die voorste linie van Suid-Afrika se veldtog om sy Wêreldbeker-titel suksesvol te verdedig. Hy was uitstekend ondersteun deur die res van die span, afrigters en bestuur wat ook erkenning verdien vir die rol wat hulle in ʼn ongelooflike seisoen vir Suid-Afrikaanse rugby gespeel het,” het Mark Alexander (president van Saru) gesê.
Nodeloos om te sê is die Springbokke as die span van die jaar aangewys, terwyl Jacques Nienaber die afrigter van die jaar is.
Hou Maroela Media gerus dop vir nog stories oor die toekenningsgeleentheid.
- Van die aand se grootste toekennings:
Speler van die jaar: Eben Etzebeth
Vrouespeler van die jaar: Libbie Janse van Rensburg
Jong speler van die jaar: Canan Moodie
Sewesspeler van die jaar: Ricardo Duarttee
Junior Springbok van die jaar: Corné Beets
Span van die jaar: Springbokke
Afrigter van die jaar: Jacques Nienaber
Curriebekerspeler van die jaar (Premierafdeling): Ruan Pienaar
Curriebekerspeler van die jaar (Eerste afdeling): Cameron Hufke
Speler wat vir die ondstersteuners se gunstelingoomblik van die jaar gesorg het: Cheslin Kolbe
Provinsiale vrouespeler van die jaar: Libbie Janse van Rensburg
Skeidsregter van die jaar: Jaco Peyper
Ondersteuners se VRK-speler van die jaar: Manie Libbok
Beste speler in die bok span vanaf 2019.
Mens wonder maar net oor die res vd spelers…waar is Willie le Roux, Siya Kolisi, Bongi Mbonambi, ens.
Etsebeth is ʼn yster, maar ek wonder hoekom Malcolm Marx en Pieter Steph du Toit “misgekyk” word?
Baie geluk Eben. Trots op jou.
Super trots op Springbokke… Almal
Knap gedaan Eben, gelukkig is daar ook nog n paar kandidate wat op meriete in die ry staan vir die status.
Eben Etzebeth vir kaptein! Eben Etzebeth vir kaptein! Eben Etzebeth vir kaptein! Eben Etzebeth vir kaptein!
Sjoe, dis moeilik om by ander wedstrydwenners soos Pollard, Pieter-steff ens verby te kyk.
Pollard het ons in die finaal ingeskop. As hy nie daar was nie…… moeilike ene.
Libbok kan in die toekoms ‘n groot speler word, net druk situasies en doelskopwerk beter hanteer. Sy rugby breins is reeds daar!
Ja Frank dis moeilik en klink so onregverdig,maar nou ja wie is ons.
Geluk aan Eben Etsebeth, maar as ek vinnig dink, die eer kon netsowel PS du Toit, Handre Pollard of Deon Fourie (wat terloops ‘n reus was in die WB) gewees het. Wat die opkomende speler van die jaar betref, Canaan Moodie was laasjaar reeds daar, mens kan mos regtig nie 2 maal die beste opkomende speler wees nie – wat van sy vleuelmaat in die Bulle se span, hy het ook seker ‘n kans verdien. Nietemin, ons is trots op die manne.