“Gevangenes raak gefrustreerd met swak toestande in tronke”

Argieffoto.

Argieffoto.

Toestande in Suid-Afrikaanse tronke verswak en gevangenes raak al hoe meer gefrustreerd met hoe hulle behandel word, het die 2012/13 algemene verslag van die geregtelike inspektoraat vir die gevangenisdiens bevind.

“Die inspekteurs beskryf 2012 as ʼn jaar van oproerigheid deur gevangenes in korrektiewedienste-sentrums,” het die verslag gesê.

Die verslag het bendes as die hoof- bydraende faktor blameer, maar ook gesê gevangenes raak al hoe meer gefrustreerd met die toestande waarin hulle moet bly en hoe hulle by die sentrums behandel word.

Die verslag het bevind dat daar ʼn afname in natuurlike sterftes in tronke was. Dit het gedaal van 852 na 709. “Die hoeveelheid onnatuurlike sterftes het egter van 48 tot 57 toegeneem, wat ʼn groot bekommernis is,” luidens die verslag.

Die meeste onnatuurlike sterftes was weens selfmoord of voorvalle waar die oorsaak van dood nog nie bepaal is nie.

Negentien gevangenes het hulself gehang, nege is deur mede-gevangenes vermoor, ses het weens ʼn oordosis dwelms gesterf en drie het selfmoord gepleeg het deur hul sel aan die brand te steek.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Jouwena

Dit wat daar aangaan, is sekerlik nie na wense nie, maar aan die ander kant . . . . . as die gevangenis hul in die samelewing gedra het, dan het hul mos die keuse gehad om te kies in watter vyfster hotel hul wou tuisgaan.

Jasper

Net so is ons moeg en keelvol om deur hulle getreiter, gemoor, beroof, verkrag, bedrieg en besteel te word. Kry vir julle!
Dit is tyd dat prisoniers in tronke weer moet werk vir hul daaglikse kos.

wragtig

Gefrustreerd? Dis die joke van die jaar. Hulle moet nog meer sleg behandel word. Hoe dink hulle voel hulle slagoffers????

Vas Vat

Wat n grap !!!! Kyk maar wat gebeur in Zim, daar eet hulle rotvleis.

wllie

Wie se skuld is dit dat hulle daar sit? Hulle is beslis nie daar omdat hulle rolmodelle is nie.