Oscar Pistorius wag Woensdag in die beskuldigdebank vir sy borgaansoek om voort te gaan. Foto: Werner Beukes/SAPA
ʼn Vrou se verrassende versoek om ʼn mosie voor die Pretoriase landdroshof te dien oor Oscar Pistorius se “geestelike toestand” is Donderdag in die hof van die hand gewys.
Die vrou, wie se naam nie in die stadium bekend is nie, het opgestaan en gevra om die hof toe te spreek toe Pistorius se borgverhoor vandag hervat is. Sy het gesê sy is ʼn prokureur en wou landdros Desmond Nair toespreek oor die atleet se geestelike toestand, want dit was ‘n grondwetlike aangeleentheid. Nair het die mosie afgekeur en gesê dit kan op ʼn ander tyd gedoen word.
Pistorius word aangekla vir die moord op sy meisie, Reeva Steenkamp, wat hy in ʼn verklaring ontken het. – Sapa
