Pa van vier sterf in botsing

Foto: Jacobus Myburgh/Krugersdorp Nuus

Foto: Jacobus Myburgh/Krugersdorp Nuus

ʼn Pa van vier is dood nadat ʼn motor en ʼn vragmotor in Krugersdorp aan die Wes-Rand gebots het.

Werner Vermaak, woordvoerder van ER24, sê die man se vrou en hulle vier seuns, tussen vier en 12 jaar oud, is almal kritiek beseer. Die ongeluk het Donderdagaand naby die West Village-kruising plaasgevind. Vermaak sê die vragmotor het glo ʼn u-draai gemaak by die kruising waarna die gesin se motor in die kant van die vragmotor vasgery het. “Paramedici het die pa dood aangetref agter die motor se stuurwiel. Die ma is voor in die voertuig gevind.” Vermaak sê die ma en twee seuns is in die Leratong-hospitaal opgeneem. Een van die seuns is per helikopter na die Garden City-hospitaal geneem terwyl die ander seun na die Milpark-hospitaal geneem is vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Eben

Sterkte aan die familie …. en die trok drywer? Weer jare se kanstige ondersoeke waar dit voor die hand duidelik was dat n U-draai gemaak is.

odelia

Haal die trokke van die pad af!!!!!!!! Daar is spoor vervoer. Het ook amper my kinders in so tragiese ongeluk verloor!

Belinda Weir

Die trok het nie n U draai gemaak nie! Daar was n groen pyl vir hom om te draai en die aankoomende kar het eenvoudiglik net die rooi lig geignoreer! Kyk dis nie lekker om te weet daar is iemand oorlede nie, maar die trok drywer sit nou met die skuld gevoel en was glad nie eers sy skuld gewees nie!

bianca

Ek was by di ongeluk,ek het di ma gehelp.sal graag wil weet hu dit met hul gaan.