Maandag het effens blou vir die Suid-Afrikaanse Paralimpiese-span afgeskop met slegs een Suid-Afrikaner wat in swem vir die finaal gekwalifiseer het.
Charles Bouwer het tweede in die swem (100m-rugslag) S13-uitdunne gekom en vir die finaal gekwalifiseer.
Duane Strydom het agtste in die atletiek (Diskus) F35/36-finaal gekom. Renette Bloem het tiende in die swem (100m-borsslag) SB11-uitdunne gekom en nie vir die finaal gekwalifiseer nie.
Kgothatso Montjane het 0-2 teen haar teenstander, Jiske Griffioen, verloor in die rolstoel-tennis (vroue enkelspel) se derde rondte.
Alle oë is vanaand op die volgende items, met die hoop om nog medaljes in te palm:
20:00 – Suid-Afrikaanse manspan: Rolstoel-basketbalspan (Groep A)
20:05 – Zandile Nhlapo: Atletiek (spiesgooi) F33/34/52/53-finaal
20:10 – Pieter du Preez: Atletiek (100m) T51-finaal
20:42 – Marius Stander en Union Sekailwe: Atletiek (400m) T38-finaal
