Rhapsody’s word dalk gelikwideer

Die Rhapsody’s-konsessie kan dalk gelikwideer word nadat die eienaar glo bedrog gepleeg het met miljoene van beleggers se geld, het The Star Donderdag berig.

Volgens dokumente wat by die Pretoriase hooggeregshof ingedien is, het die eienaar, Michalis Xekalos, onder andere beleggers se geld rondgeskuif, dieselfde kroeg glo meer as een keer aan verskillende mense op dieselfde tyd verkoop en maatskappyrekeninge gebruik vir persoonlike betalings.

Hy staar kriminele aanklagte van bedrog van R7.26 miljoen in die gesig.

Hy word ook daarvan beskuldig dat hy 115% van die Menlyn-tak aan vier verskillende beleggers verkoop het en R6.5 miljoen in die proses bekom het.

Volgens die hofdokumente skuld die konsessie R85 miljoen.

Xekalos het aan The Star gesê hy is nie ʼn bedrieër nie, maar ʼn man wat te veel by die konsessie betrokke geraak het en dit tot die mislukking gelei het. Hy sê hy het aansoek gedoen vir ʼn ondernemingsreddingsplan.
-SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Willy ·

Wonder waar gaan ek nou sit en drink en my bepeins oor hierdie land se sorge?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.