(Foto: AFP)
Minstens 22 Suid-Afrikaners is tans op ’n vragskip in Egipte gestrand nadat hulle uit oorloggeteisterde Soedan gevlug het.
Die groep sit weens probleme met hul dokumente sedert Saterdag op die vragskip MV Markab in die Safaga-hawe gestrand en het Maandagoggend kontak gemaak met die humanitêre noodlenigingsgroep Gift of the Givers.
“Die Suid-Afrikaners het sitplekke op ’n vlug van ’n kommersiële lugredery na Suid-Afrika. Hulle het toestemming nodig om Egipte binne te gaan en by die lughawe te kom,” sê dr. Imtiaz Sooliman, direkteur van Gift of the Givers.
Volgens hom is die Suid-Afrikaners deel van ’n groep wat sedert September verlede jaar uitgekontrakteur is om aan ’n projek in Soedan te werk. “Die projek sou oor twee weke afgehandel gewees het, maar toe breek die oorlog uit,” sê Sooliman.
Gift of the Givers het intussen kontak gemaak met Zane Dangor, direkteur-generaal van die departement vir internasionale betrekkinge en samewerking (Dirco), en Suid-Afrika se ambassadeur in Egipte, ambassadeur Ntsiki Joe Mashimbye.
Tientalle Suid-Afrikaners het die afgelope naweek veilig uit Soedan op tuisbodem aangekom.
Maroela Media het vroeër berig die groep Suid-Afrikaners het Sondag by die OR Tambo-lughawe neergestryk waar dr. Naledi Pandor, minister van internasionale betrekkinge en samewerking (Dirco), dr. Aaron Motsoaledi, minister van binnelandse sake, en Thandi Modise, minister van verdediging, hulle terugverwelkom het.
Dit sou nie vir hul nodig gewees om in ander land te gaan werk as hier vir hul werk was nie en natuurlik regverdig behandel is nie
Dis altyd ‘n keuse. Ek werk lekker in SA.
Maar nie almal is so gelukkig soos jy nie.
As jy werk kry in SA. Jy is een van die gelukkiges. Baie ouens moet in sulke slegte omstandighede gaan werk om sy geliefdes te onderhou
en dis die toestande wat ons moet trotseer omdat ons uit die werkmark gehou word agv BBEEE in Suid Afrika
En sommiges reken SA is die gevaarlikste in die wêreld. Weet nie hoekom mense wil terugkom na die gevaarlikse land in die wêreld nie?