35 000 liter petrol gesteel

Argieffoto

Argieffoto

ʼn Vragmotor wat 35 000 liter petrol vervoer het, is Dinsdagoggend in Johannesburg gekaap en ʼn paar uur later leeg aangetref in Protea Glen.

“Die vragmotor is omstreeks 02:00 gekaap,” het ao Kay Makhubela, woordvoerder van die polisie, gesê. “Die vragmotorbestuurder het gesê vier mans het hom gekaap. Hy was van Alrode na Sebokeng onderweg.”

Makhubela sê die verdagtes het die vragmotor op die snelweg voorgekeer en hulle het die drywer in Brakpan afgelaai.

Die 35 000 liter was vir Sebokeng naby Vanderbijlpark bestem. “Die waarde van die brandstof beloop meer as R400 000,” het hy gesê. “Die vragmotor is later leeg in Protea Glen opgespoor. Ons doen ʼn beroep op enigiemand wat gesien het wat met die brandstof gebeur het, om met die polisie in verbinding te tree.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
vra maar net

R40 000 vir 35000 L ?

Ivan

Ek wil ook van daai petrol he wat R1.14 per liter is. My sommetjie is nader aan R 500,000.

pop

Jan publiek het nie stoorplek vir daai hoeveelheid brandstof nie. ek ruik al weer n hoe rot!!!!

Riana

Sjoe …. Sal self like om by die Depot te koop, ons betaal tans by ons Depot R12.60 vir Diesel

Faan

Teen daai spotgoedkoop prys is dit seker oppad na Nklandla toe