4 kritiek, 10 beseer toe bakkie rol

Foto: ER24.

Veertien mense is beseer toe die bakkie waarin hulle gereis het gerol het.

Russel Meiring, woordvoerder van ER24, het gesê die voorval het Woensdagmiddag op die R553 in Vanderbijlpark plaasgevind.

“Toe ons paramedici by die toneel opdaag het hul die bakkie ’n ent weg aan die kant van die pad aangetref. Die insittendes wat agter op die bakkie was, is van die bakkie afgeslinger en het verspreid oor die pad gelê,” het Meiring verduidelik.

Vier mense is kritiek beseer en tien het beserings van gering tot ernstig opgedoen.

Volgens Meiring is een van die kritiek beseerdes per mediese helikopter na ’n nabygeleë hospitaal gehaas vir mediese noodbehandeling.

Die ander beseerdes is per ambulans na hospitale vervoer vir mediese behandeling.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Johann

So dis weer een van daai somme ingelukke? 14? In en op n bakkie? 14? En dan word hulle GEVLIEG vir mediese behandeling? En ek en jy en julle? As ons in normale wettige getalle in n ongeluk is? Dan is die somme ongeluk status nie van toepassing nie?

Chris Ws

‘n Reguit pad.Pragtige sonskyn weer. Twee faktore wat nie bygedra het nie.Maar die voertuig was oorlaai.Die polisie moet mooi kyk na die bande.Heel waarskynlik het een gebars.Dan die bestuurder se bevoegdheid moet na gegaan word.Het ‘n ander voertuig dalk bygedra tot die ongeluk?Ek moes op paar geleendhede vinnig links swenk waar aankomende voertuie oor die middel streep in my baan beweeg het vir geen rede nie.

Justice

Die skouer van die pad op hierdie foto is in `n swak toestand. Let op die teer hoogte in verhouding met die grond gedeelte. Enige voertuig wat twee wiele van hierdie pad af plaas op spoed met `n onervare bestuurder of oorlaaide voertuig is `n ongeluk wat wag om te gebeur,

willie

Wat wil die polisie ondersoek, leer hulle net tel!

Christine

Willie, lekker lag ek nou ja en hier waar ek woon ken baie nie die verskil tussen groen en rooi nie.