44 beseer toe bus teen kant van berg bots

Argieffoto: ER24

Argieffoto: ER24

Altesaam 44 mense is Sondagaand beseer nadat ʼn bus in die Kranspoort-omgewing naby Middelburg in Mpumalanga teen die kant van ʼn berg gebots het.

Russel Meiring, woordvoerder van ER24, het gesê die botsing het langs die N11-pad plaasgevind.

“Die bestuurder het beheer oor die voertuig verloor, waarna dit die pad gedeeltelik verlaat en gebots het,” het Meiring gesê. “Met paramedici se aankoms het hulle die passasiers buite die bus aangetref. Die insittendes het geringe tot matige beserings opgedoen. Gelukkig het niemand ernstige of noodlottige beserings opgedoen nie.”

Die mense is op die toneel behandel en na verskeie provinsiale hospitale geneem vir verdere behandeling en waarneming.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Peet Schabort ·

44x70kg/persoon=3080kg+spoed+draaie op N11=verloor beheer=ongeluk. Dit is ‘n voorloper van wat gaan gebeur oor die Kersgety.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.