7 dood in botsing aan Weskus

Die owerhede op die toneel in Melkbosstrand (Foto: ER24)

Sewe mense is dood en tien ander beseer toe ’n vragmotor en ’n taxi Dinsdagoggend op ’n besige R27 in Melkbosstrand aan die Weskus gebots het.

Russel Meiring, woordvoerder van ER24, sê nood-en-reddingsdienste het die wrakke van die vragmotor en taxi met hul aankoms op die toneel langs die pad aangetref. Die pad was in dié stadium besig en die ongelukstoneel is afgesper.

Altesame sewe mense, van wie sommige in dié stadium nog in die wrak van die taxi vasgekeer was, het noodlottige beserings in die botsing opgedoen en is op die toneel dood verklaar.

Tien ander het ligte tot kritieke beserings opgedoen.

Meiring sê die pasiënte is almal op die toneel behandel voordat hulle na nabygeleë hospitale vervoer is vir verdere mediese behandeling.

Een van die tien pasiënte het kritieke beserings opgedoen en is per lugambulans na ’n hospitaal gehaas.

Die plaaslike owerhede was vanoggend op die toneel om ondersoek in te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Manie

Al weer ‘n taxi betrokke, dit is geen wonder nie, nie as ‘n mens daagliks sien hoe hulle ry nie.

JohanR

Hoef nie eers die storie te lees nie. As ek die hooflyn sien 7, 9, 11 dood in ongeluk dan weet een sommer daar was ‘n taxi betrokke. Hulle dink moes as bestuurders is hulle “untouchable” teen enige spoed! Ek bestuur al vir 45 jaar en ek toon groot respek agter daai wiel. Wil nie my motor, ander mense, geboue of myself op frommel nie!

virginia

R27 is die pad van die dood. Ry elke naweek daardie pad, taxi’s druk jou behoorlik van die pad af en dit teen n snelheid van 120km/h . Meegevoel aan die oorledenens se familie ( ma , pa of kind) wat nie huistoe kom vanaand nie:(

Ovelia

Snaaks dat daar elke dag n ongeluk is waar n taxi betrokke is.

andre

Wetstoepassers laat taxi’s doen net wat hulle wil in my dorp