“Advertensieborde is die werk van lafaards” – minister

Die advertensieborde

Die advertensieborde

Die buitelugadvertensieborde wat langs Johannesburgse snelweë opgerig is wat gekskeer met die ANC en die e-tolstelsel, is die werk van lafaards, het Dipuo Peters, die minister van vervoer, Maandag gesê. Die woorde: “E-tolls. Proudly brought tot you by the ANC” is op dié borde aangebring.

“Dit is mense wat nie die ordentlikheid het om werklik te erken wat die ANC-regering vir die hierdie land al gedoen het nie,” het sy tydens ‘n ontbyt van The New Age-publikasie in Midrand gesê. “Hulle wil net op spesifieke aspekte fokus en wil die belangrike infrastruktuur van die ekonomiese middelpunt van Suid-Afrika, as ‘n foefie afmaak.”

Peters het gesê mense wat sulke goed doen het nie ʼn plek in Suid-Afrika nie. Volgens Peters gaan die e-tolstelsel voor die einde van die jaar in werking tree. “Ons het verlede week die regulasies gefinaliseer en gaan vandeesweek die tariefstruktuur uitwerk, waarna dit publiek gemaak gaan word.” Die tariewe sal vir 30 dae lank publiseer word, waartydens die publiek kommentaar daaroor kan lewer. “Na die 30 dae sal dit tussen sewe en 14 dae neem voor die e-tolstelsel in werking tree,” het sy gesê.

Dit het Sondag aan die lig gekom wie betaal het vir die advertensieborde. Lees meer hier.

Lees ook:
Geheimsinnige buitelug-advertensieborde dryf spot met ANC

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Aloda Müller

Ekskuus???. Die ANC het net nog absoluut niks vir die landd en sy mense beteken nie. En sal ook nooit nie. Weg met hulle ASAP!!!!!

Johan Viljoen

Siestog, en toe maak die minister haar doek nat.

frikkie

Ek stem, die ANC het baie vir SA gedoen, grense oopgegooi vir almal om in te kan kom en te kom plak. Hulle het gesorg dat BAIE poste vakant geraak het. Hulle steel ook BAIE belasting geld vir BAIE huise op Zuma se landgoed. Moord het BAIE opgegaan. So kan ek nog BAIE opnoem.

carlo

Mense wat die waarheid vertel het nie n plek in SA nie…haai?!

Vas Vat

So gedink ja, die waarheid maak seer, volgende stap is hulle gaan n groot bohaai opskop vir die verwydering van die advertensie.