AfriForum begin strafregtelike klagte oor rassisme, haatspraak indien

Ernst Roets. Foto: Facebook

Ernst Roets. Foto: Facebook

Die burgerregte-organisasie AfriForum gaan Donderdag 12 beëdigde verklarings by die Suid-Afrikaanse Polisiediens (SAPD) se Lyttelton-kantoor inhandig.

Dié beëdigde verklarings hou verband met rassisme, haatspraak en aanhitsing van geweld op sosiale media, en word aangevul met uitgebreide verslae waarin die 12 individue se uitsprake vervat word.

Ernst Roets, adjunk uitvoerende hoof van AfriForum, het gesê die verklarings is die eerste in ’n reeks klagte wat by die SAPD aanhangig gemaak sal word, en is die resultaat van verskeie vergaderings tussen AfriForum en die afdelingshoof van die elektroniesemisdaadeenheid van die Valke.

Roets het vroeër die maand gesê AfriForum het al meer as 500 e-posse ontvang sedert die publiek versoek is om enige rassisme en haatspraak in die sosiale media te rapporteer. “Net in Desember het daar omtrent ʼn 100 e-posse ingekom met baie aanhangsels en taamlik min herhalings. Onder die aanhitsers is verteenwoordigers van politieke partye, regeringsamptenare, gemeenskapsleiers, akademici en politieke kommentators. Die eerste bundel strafregtelike klagte lê gereed op my lessenaar en sal reeds in Januarie ingedien word. Hierdie bundel gaan spesifiek oor aanhitsing om moord te pleeg en fokus uitsluitlik op mense wie se identiteit en besonderhede ons met sekerheid kon vasstel.”

AfriForum het die publiek versoek om voort te gaan om skermskote van rassistiese kommentaar of kommentaar wat haatspraak bevat na [email protected] te stuur. “Moet asseblief nie ophou om hierdie inligting te stuur nie. Hoe meer volledig ons rekords is en hoe meer inligting ons het, hoe sterker kan ons hierteen baklei,” het Roets gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Kobus Nieman

Baie dankie vir julle optrede. Ek het al begin bekommerd raak of daar enige aksie sal wees, aangesien dit blyk dat dit net een gedeelte van ons bevolking is wat vervolg word.

At

Net interessant dat die meeste rassisme deur politici aangeblaas word. Sommige politieke partye is blatant rassisties, terwyl ander met oogklappe loop en selektief vinger wys.

Doofstom

Se wat die media wil hoor en jys veilig.

Conrad

MM Kan ons asb Doofstom se kommentaar te lese kry? Ons kommunikeer met mekaar en dis ons uitlaatklep- MM is al wie ons die kans gee. Moet nie ons mense blok nie, asb.Baie dankie.
En baie dankie en sterkte Afriforum- ons bid vir julle!

carla

Ek sekondeer, wil ook doofstom se kommentaar sien, watter reels is daar vir enige kommentaar? Baie dankie aan Afriforum, beste nuus wat ons kon kry vandag