Agrizzi se dokter moet toestand aan hof verduidelik

Angelo Agrizzi, voormalige hoof van Bosasa, tydens ‘n vroeëre hofverskyning. (Foto: Timothy Bernard/ANA)

Die Nasionale Vervolgingsgesag (NVG) se ondersoekdirektoraat wil Angelo Agrizzi se dokter dagvaar om in die hof oor die voormalige bedryfshoof van Bosasa se siektetoestand te kom getuig.

Dít nadat Agrizzi al byna ’n jaar met sy gesondheid sukkel en glo nie in staat is om hofverrigtinge by te woon nie.

Agrizzi se regspan het vroeër vanjaar reeds ’n verslag by die hof ingedien wat daarop dui dat hy weens siekte ongeskik is om verhoor te word.

Agrizzi se regspan het Dinsdag in die Palm Ridge-handelshof aangedui dat sy kliënt nog steeds te siek is om verhoor te word. Mannie Witz, Agrizzi se prokureur, sê hy word in dié stadium genoodsaak om virtueel met Agrizzi te beraadslaag, berig eNCA.

Die saak teen Agrizzi se medebeskuldigde, die voormalige parlementslid Vincent Smith, is intussen in dieselfde hof na November uitgestel sodat Smith ’n nuwe regspan kan aanstel.

Vincent Smith in die hof. (Foto: Verskaf)

Sindisiwe Seboka, woordvoerder van die ondersoekdirektoraat, sê die staat moet ook dan die finale klagstaat bekend maak.

Die saak teen Smith en Agrizzi is in Julie van mekaar geskei weens Agrizzi se swak gesondheid.

Smith en Agrizzi staan tereg op aanklagte van bedrog en korrupsie ná bewerings dat Smith en sy maatskappy Euro Blitz 48 omkoopgeld van R800 000 van Agrizzi, Bosasa se bedryfshoof, of van die maatskappy ontvang het.

Maroela Media het vroeër berig Smith was destyds die voorsitter van die parlement se portefeuljekomitee oor korrektiewe dienste (DKD). Bosasa is gedurende hierdie tyd ondersoek nadat die DKD tenders van sowat R1 miljard aan Bosasa toegeken het. Die kontrakte is na bewering op korrupte wyse aan die maatskappy gegee.

Smith is glo betaal om te verseker dat opposisiestemme oor Bosasa tydens komiteevergaderings stilgemaak word.

Hy het vroeër reeds onskuldig op die aanklagte teen hom gepleit en voer aan die geld was ’n lening van Agrizzi – ’n bewering wat Agrizzi ontken.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Hondjie

Nou wi kyk nou by wie af.zuma by hom of hy by zuma want dit gaan te leker… Jy kry tronkstraf jy speel siek en kom los.

Nicholaas

Interresant, sy dokter moet verduidelik maar zuma se dokter hoef nie te verduidelik.

Blikkies

Dankie, maar wat word van die ANC party lede wat ook beskuldig is in die komissie? Slegs bostaande Agrizzi en sy trawante kon nie gou genoeg gearresteer word vir die Bossasa sake nie! Hoe lank nog voordat die staat optree teen al die ander party lede wat ook uitgewys en teen getuig is as bedreërs en diewe in omtrent elke liewe ander instelling?

Nozi

Gaan zuma se dokter ook gedagvaar word om voor die hof te verskyn om sy mediese toestand bekend te maak?

Hennie J

Dit is so lagwekkend. Hierdie ou is n fluitjieblaser maar die NVG ry hom bloots. Pleks hulle tyd en energie bestee aan die hope ander sake maar nee, dis mos te maklik om die ou te vervol want hy het alles reeds beken. Klomp patete.